Атырау қаласындағы «Нашақорлыққа тәуелділіктің алдын алу» тақырыбындағы семинар

• admin_atsc
• 27.06.2022
• Жаңалықтар
• Пікір жоқ

24 маусымда Атырау облыстық «Салауатты өмір салтын қалыптастыру орталығы» ЖШС ұйымдастыруымен  ҚР ІІМ көліктегі  полиция департаментінің Атырау станциясындағы  желілік полиция бөлімінің мәжіліс залында «26 маусым-Халықаралық нашақорлыққа және есірткінің заңсыз айналымына қарсы күрес» айлығы аясында «Нашақорлықтың алдын алу» тақырыбында   семинар өтті. 

Шараға Желілік полиция департаменті қызметкерлері, СӨСҚО үйлестірушісі  А.Қарсақ, ЖИТС орталығының алдын алу бөлімінің маманы М.Баймуханова қатысты.

СӨСҚО  маманы  салауатты   өмір  салтын қалыптастырудың маңыздылығына және нашақорлықтың  әлеуметтік қауіп төндіретініне  тоқталды.

ЖИТС  орталығының маманы бүгінгі күні ЖИТС орталығында   инемен  есірткі тұтынушылар (ИЕТ) арасында АИТВ  жұқпасының таралуына жол бермеу, қорғаныш  шараларын сақтау мақсатында  аутрич қызметкерлер жұмыс  жасайтындығын, АИТВ инфекциясының эпидемиологиялық ахуалы, нашақорлардың арасында  жұқпаның  тіркелуі, АИТВ-статусын білудің маңыздылығы, АИТВ инфекциясына шалдыққан адамдардың құқығын қорғау туралы ақпараттар берді.